Ánxel Álvarez Llano

TOPONIMIA    DE  BÓO

l` Academia vien ufiertando esta coleiciòn -Toponimia- onde s`arrecueyen los nomes de llugar asturianos según la tradición oral dexa facer y con una curtia descripción de caún d`ellos gracies a les informaciones de bonos falantes y conocedores de la xeografía.

Na parroquia de Bo, les mines, amás de camudar el paisaxe tamién camudaron dellos topónimos pola mor del emplegu de la terminoloxía minera y de presencia de delles edificaciones , propiedá de les empreses que s`asitiaron nel llugar . Sicasi, anque los vecinos  identifiquen dellos sitios  con estos nomes, válen-yos más como referencia espacial que como verdaderu topónimu: "Nel sétimu Melendreros", "Onde la cuadra los machos", etc.

nel añu 1980 una esplotacón a cielu abiertu estrozó bona parte del terrén que fuera del grupu Melendreros y d`ello dalgunos topónimos, en terminos d`el Caleyu tengan güei una identificación relativa, anque ficimos por recoyelos toos d`afechu. Conseñase pa lo cabero d`estes páxines un llistáu de los mesmos.

Abá, l`: Delles tierres al llau de Pedreo. La Vega.

Ablanos, Los: Prau y güerta arrodiaos d`ablanares n´el Col.léu. El Caleyu.

Alquería, L`: Prau al llau de Cuetos. La Vega

Ande la Sierra: Casa con delles güertes que queda debaxo d`el Col.leu. Llenda con Mieres.

Anoyiru, L`: Cuadra que queda debaxo del camín de la Plaza a El  Picu. Caben nella catoce xatos.

Arbono: Delles tierres xunto a L`Abà. La Vega.

Arganusu, L`: Tres praos ribayosos y con yerba muy malo, que llamen argana. Queden perriba de Martincepu.

Arnoste: Camín con mates de castañar alredor qu`esrtreme Bo de Morea, per baxo de Los Corraones y de Campizo.

Atán (Valle Atán): Prau y delles tierres al llau del cementeriu. Bustiyè.

Avisiigu, L`: Mata de castañares pergrande que baxa dende El Quentu Roteya hasta Carreyana. Abaxo hau unos praos col mesmu nome, per baxo del camìn que va de La Vega hasta Carreyana.

Babianos, Los: Cuatro praos veseos arrodiaos de fayes, ablanos y bedules perbaxo Caravanès.

Baragañes, Les: Praos llargos, con muncha llamarga y xunclos y un castañeru enforma grande, separtábense con estaques pel mediu, d`arriba abaxo, pa repartir la yerba y les castañes, turnandose los que llevaben les dos caserìes cada añu. Cortielgos.

Barrerìn, El : Prau que queda xuntu a El Barriru. La Vega.

Barrial, El : prau grande y con agua abondo que queda al delláu de La Pena.

Barriru, El : Prau xunto a Sancho. La Vega.

Benita, La  : Mata de fayes con un fontàn hacia la metá que queda per baxo Ranero

Bo: Pueblu que da nome a la Parroqia. Cabeza de la mesma y asitiàu a media altura en monte, coles cases faciendo como anfiteatru, Traviésalu una reguera que naz debaxo d`Espines y que s`amiesta a El Río Aller per La L.lera Samiguel.

Bolera, La: Güerta que foi bolera perriba El Tarancón. Carreyana.

Boniquiru, El : Mayàu nel cume, per debaxo de la Rebellà.

Borronà, La:  Una borronada de La Pena que queda xunto a les cases.

Borronà, La (La Ponderosa) : Tierra onde se semò escanda, patates y maìz, n`el segundu. El nome mas espardìu ye`l Segundu de los conseñaos, mui modernu.

Borronaes, Les : Delles borrones que queden detràs de La Corrá Fondera, zarraes agora con viesca y pastu comùn.

Bortica, La : Dos Pumares ante La Fuentina y La Val.la. El Caleyu

Bosque, El : Prau grande con Cabana y bona vista pal pueblu de Bo. Queda perriba Los Carrilones y debaxo El Monte`l Faillìn.

Brasl.lobos: Mayàu d`l Padrùn en Carabanès.

Bustamores: Dos praos fechos monte con cuadra y cabana metanes una mata de fayes y carrascos debaxo El Quentu .

Bustaoso: Cuatro praos arrodiaos d`una mata castañares que queden ente El Preu Yenu y El Cabornin.

Bustiyè: Pueblu con 50 Habitantes aproximao, separao de Bo per una carretera de 800 metros. Tièn un Ermitina barroca que dediquen a San Mamès. Tién una casona de piedra del sieglu XVII y otra que llamen la casa de les Caretes.

Ca María: Casa que queda sola debaxo El Picu Los Cabreros.

Cabanòn, El: Tres praos grandes con cuadra que queden per riba La Mata y per baxu el Quentu Zalamea. 2. Cuatro praos arrodiaos de mata de castañares perriba el Picu La Cuaña.

Cabornìn, El : Prau con cuadra, un fontan d`agua y una mata castañares grande xunto a Val.lina Escura.

Cabornìn Cimiru, El: Dos praos zarraos con sebe pa la parte baxo d`l Mayeu`l Preu Yenu y al dellàu de Los Fueyos.

Cabriteres, Les: Prau fechu monte debaxo La Tazà. La Vega.

Caliyu, El: Pueblu abandonàu y coles cases medio cayendo. Tuvo escuela, chigres y baille. Les cases tan averaes al camìn real que diba de Bo a Carabanzo, en pasando Melendreros.

Campa Les Yegües, La: Prau curiosu con fontàn, cuadra y cabana. Queda perriba Les Viesques.

Campa Los Bàrganos, La: Prau per grande nun cantu, con cuadra y cabana. Queda perriba Los Fueyos, y la carba La Coca.

Campa`l Praòn, La: dos praos pequenos arrodiaos de fayes y robles pela sebe; ta detras de Pedreche.

Campes, Les: Cuatro praos soleyeros tres de les cases del Castañiru.

Campizo: Prau pequeñu per baxo d`Atàn, con castañares.

Campòn, El: Prau soleyeru arrodiàu de castañares al dellàu mesmu de La Pena.

Campona, La: Prau tres de La Cerezal, tirando pa Valmonte.

Canal, La: Delles cases y una pumarada xunto a La Plaza`l Fontàn. La pumarada ta a pastu comùn desde que argayaron Los Cuarteles de Puenxio.

Canga, La: prau con cuadra y mata de castañares nuna revuelta del camìn que baxa d`el Caleyu a Penacastro.

Canguca, La: Tierra que ta echao a alfalfa, en Penacastro.

Cantera, La: Barriu del pueblu de Bo, ente La Fontica y lo que llamenVillahermosa

Capìa, La: 1. Llugar onde s`asitia la ermita de Bustiyè. 2. Prau ribayosu, con llamarga y mala yerba nuna canga del camìnque xube pa El Preu Yenu.

Carabanès: Monte del comùn con un gran mayàu, munchu carrascu, dos bebederos y arrodiàu de praos con cuadres y cabanes. Ye onde pastoreen y abrañen los vaqueros de Bo dende siempre.

Carba Les Cabriteres, La: Carba con bien de felechuque queda tres los praos de Felguera.

Carba Perea, La: Carba pergrande, apacible y con felechu asgaya. Separta Ayer de L.lena pel cordal que va del Picu Ranero a El Picu Sopena.

Carral, El: Caleyòn con regodones y munchu agua perriba El Segundu y La Cotà.

Carrascal, El: 1. Prau pequeñu xunto a la carretera que va de Bo pa Morea, cerca de Viaonga. 2.Dos praos, un fechu monte y l`otru con muy bona yerba de lo que llamen xistra. Tàn arrodiaos de mates de faya y de carrascu y queden al llau de Les Tixeres.

Carrera, La: Tres praos que cruza un regueru perbaxo Bustamores, al llau del camìn que va pa Espines.

Carrerina, La: Prau tomàu de monte y a pastu comùn, debaxo de La Campona pa contra Valmonte.

Carretera Vieya, La: Antigua carretera de Morea a Bo que xubìa dende L.lavayos paralela a la que s`usa güey. Agora ye un camìn.

Carreyana: Pueblu de la parroquia con unos 20 habitantes y les cases asitias a to lo llargo`lcamìn. Queda enriba d`El Tarancòn y llègase dende Bo per una carreterina que cruza La Vega.

Carrilones, Los: Dos praos separtaos per un camìn pedregosu y enllamuergàu que baxa de Pedreche.

Casa Guariza: Casona antigua que restauraron a la entrada del peblu de Bustiyè.

Casa La Picaña, La: Casa con delles güertes a lo cimero El Picu.

Casa Les Caretes, La: Casa antigua en pueblu de Bustiyè qu`hasta 1954 conservò na parea unes talles con cares humanes.

Casa`l Quentu, La: Casa con corredor, mui vieya y anguaño abandonada. Da vista pa Cortielgos y tien un prau con mata de castañar y roble que quedò a pastu comùn.

Caseta, La: Prau grande y mata de castañares perbaxo d`El Mayaìn de La Pena.

Casona, La: 1º. Prau solombriegu xunto a La Mata`l Mayaìn. 2º. Casona de piedra de tres pisos que foi de La Hullera Española, en Melendreros. Cayò embaxo.

Castañerona, La: Curva de la carretera de Morea a Bo, ente La Val.lina y el Rel.lagar, onde hay un castañar muy vieya.

Castañeo: Castañeru pa lo fondero La Vega.

Castañerìn, El: Castañeru pequeñu que da muy bones castañes pa lo fondero Les Baragañes.

Castañiru, El: Castañeru y prau grande con tres cases ente Omeo y Los Cuayos.

Censo, El: Prau xunto a La Corraona, en Carreyana.

Ceposes, Les: Prau onde L`Alquerìa. La Vega.

Cerca, La: Tierres xunto a la Pumarada d`El Palacio. La Vega.

Cerezal, La: 1. Prau con cuadra cerca de >La Cuerria, tirando pa contra Valmonte. 2. Prau que s`amestò a Cuetos. La Vega.

Cerra, La: Casa con praos, güertes y pumares na llende de Bo y Morea, pel camìn que va dende Bustiyè.

Cerra, La: -El Monte La Cerra- Picu de 1295 m. d`altor con mata de fayes pel lladral del norte, tres El Padrùn. Ye vèrtiz xeodèsicu agües vertientes d`Ayer y L.lena. Carabanès.

Coca, La: Carba vesea y con felechu, con munches calicates. Ta perriba La Fonte `l Frisnu.

Col.laos, Los: Dellos praos pa lo fondero La Vegapercima un ribayòn per onde baxa la Reguera de Bo.

Col.lèu, El: Seis cases con güertes y praos al llàu d`una sierra de podinga n`El Caliyu. Pega con terrèn del conceyu de Mieres.

Corrá, La: 1. Prau con mata de castañares pela parte riba de Roteya que llega hasta la Pruvìa. Tenìa una bolera detras de les cases. 2. Prau apacible nun cantu xunto al Caleyòn d`el Carral. 3. Prau al dellau de La Capìa y debaxo La Yana Melende.

Corrà Fondera, La: Prau ente una mata de casrañares que queda detràs d`El Cabanòn. El Picu.

Corrà La Fuente, La:  Prau con fonte y mata de castañares, llanu y con bona yerba perriba la caserìa de Pando.

Corrà`l Caliyu, La: Pumarada con cuadra pa lo fondero, arrodiada de castañares y detras de les cases d`El Caliyu.

Corraera, La: Dos finques. Una ye grande, con casa y pumarada y ta de la parte riba de la carretera de Bo a Bustiyè. La otra ye mas pequeña y tamièn tièn casa y lo fondo foi pista de baille y bolera. Tan separtaes les dos per un muru y pelos antiguos edificios del consultoriu`l mèdicu y el cuartel de la Guardia Civil.

Corraes, Les: 1. Tierra en Cotielgos debaxo La Tierra`l Xabù, que s`echaba a maìz y patates y que tien una mata de castañar y de roble.2. Prau xunto a les cases de Carreyana.

Corraìn, El: 1. Prau pequeñu ente castañares y zarràu con cabuxos. Ta cerca Les Baragañes, en Cortielgos. 2. Pumarada con zarru d`estaques nel camìn d`El Caleyu a El Col.lèu. 3. Prau pequeñu en Carreyana. 4. Pradìn de yerba arganosa, solombriegu, arrodiau con una matina de roble. Ta debaxo`l camìn de La Casa`l Quentu, per Cortielgos.

Corrainos, Los: Delles tierres y praos que van dende Puenxio A El Quentu Roteya, a lo cimero La Vega.

Corraòn, El: Prau arrodiàu d`una mata castañares detràs de Yan de La Pena. 2. tres praos con mata de castañares xunto al Caleyòn d`El Turnu.

Corraona, La: Prau grande a la parte baxo de les cases de Carreyana.

Corraones, Los: Dellos praos que s`echaron antiguamente a maìz. Tàn al llàu de La Cerra, en Bustiyè.

Corrapiedra: Dos praos con matade castañares que llega hasta Omeo y pega conel Pingòn.

Corres, Les: Güertu que tà nel Quempu La Iglesia y que s`asfaltaron p`aparcamientu.

Cortielgos: Dos caserìes con munches tierres y praos que yeren de la marquesa Carabanzo. Pel cordal que va dende El Cul.lampil a La Terruca peguen con Carabanzo (L.lena).

Corves, Les: prau grande y con Fontàn xunto a La Tazà. La Vega.

Costerès, Les: Estaya de terrèn ensin llabrar y arrodiada d`ablanos en La Tierra Baxo. Cortielgos.

Cotà, La: Pueblu onde hubo cuarteles de La Hullera con 33 cases ente les tres plantes.

Coto, El: Prau secanu y envallinàu arrodiàu de castañares. ta delantre les cases de La Pruvìa.

Covayones, Los: Castañeru que xube per un regueru detras del Segundu.

Crucina, La: 1. Curva de la carretera de Bo a Bustiyè que tenìa una castañar con una cruz de madera y onde paraben siempre los entierros pa descansar y echar un respondu. 2. Tamièn llamen asina a un prau grande  y una casa nel mesmu sitiu pero a la mano riba la carretra.

Cuadrazales, Los: Castañeru grande con castañares bastante vieyes que baxa dende La Pruvìa a Melendreros.

Cuadrona, La: Edificiu de La Hullera Española aprovechàu como cuadra. Ta màs al´`a de Ca Marìa.

Cuayos, Los: Delles cases, praos, güertes y pumaraes perriba La Corraera y al llàu d`El Castañiru.

Cuerria, La: prau muy grande y llanu, con agua, al que-y fueron amestando los praos d`alrededor. Los vaqueros  pagaben un tanto al amu si querìen meter ellì les vaques a pastiar. Queda debaxo d`El Mayaòn.

Cuesta, La: Tierra en La Vega.

Cuesta Pedreche, La: Caleyòn arrodiàu de Carba ente los praos de Pedreche.

Cuetos: Praos muy curiosos y apacibles nun cantu al llàu de Sancho. La Vega.

Cuitu Espines, El: Picu nel cimblu espines, que separa Ayer y L.lena.

Cul.lampol, El: Prau cuestu y con bastante terrèn d`argomal. Pega con Carabanzo y sepàrtalu de L`Acebal el camìn real. Ta xunto a La Fuente`l Frisnu.

Currichìn (sic), El: Mayau con muy buena vista enriba d`una peñasca, per detràs de La Rebellà.

Diezortigues: Mayadìn na pica`l monte detràs de La Rebellà.

Encorcià, La, ( La Encrucià): Dos praos con mata de castañares xunto a los praos d`l Rasòn.

Engamanosa, La: Prau muy curiosu con una cuadra y cabana que queda nun cantu perriba Felguera.

Enramaoria, La: Pumarada cuesta nun encruz de caminos perriba El Quentu Roteya.

Enrecierta, La: Tres praos de yerba xistra n`Otos.

Ente La Iglesia: Delles cases, dos d`elles con pradìn y güerta, que s`asitien onde El Quentu La Iglesia.

Entesucos: Tierres xunto a Les Felguerines. La Vega.

Erìa, La: Tierres xunto a la finca d`el palacio. La Vega.

Escaldaìna, La: 1. Delles cases con güertes y àrboles de fruta perriba de La Cantera. 2. Prau pequeñu detràs de La Rebellà.

Escaldaona, La: 1. Prau xunto a El Preu Yenu, al dellàu d`un caleyòn. 2. Vescòn enriba El Praùcu. La Pruvìa.

Escorial, L`: Güerta y mata de castañares que ta agora de pastu comùn. en la Pena.

Escorialìn, L`: Prau pequeñu xunto a L`Escorial que quedò de pasto comùn.

Espandines, Les: 1. Delles cases con praos y güertes perriba la carretera de Morea a Bo, al llau de La Val.lina. 2. Tamièn praos y pumaraes que baxen hasta Viaonga, a la mano riba de la carretera.

Espesal, L`: Prau onde El Quentu Pedronache, con mala yerba, al lau de los praos de Les Estaes.

Espina, La: Prau detràs de Les Corves. La Vega.

Espinazòn, L`: Carba que baxa al llau  d`El Monte Cazuil.lu, ensìn àrboles.

Espines: Seis praos con cuadra y cabana zarraos con muru, con bona yerba y soleyeros. Queden perriba La Carrera.

Espinielles (sic), Les: Prau cerca del camìn que baxa pal Tarancòn. La Vega.

Estaes, Les: Tres praos veseos, pindios y con mala yerba n`El Quentu Pedronache.

Estrada (La Estrada -sic-): Pueblo a la vera d`El rìo Ayer, na raya con mieres y les parroquies de Bo y Caborana. Hai años perteneciò a Bo.

Faidiel.la, La: Cuatro praos arrodiaos de fayes perriba El Cabanòn.

Faillìn, El (sic): Prau que queda detràs de Les Zoreres, hùmedu y con bona yerba. Pela parte tras tien una mata fayes.

Felechales, Los: Prau grande y de bona yerba en Penacastro.

Felguera Baxa: Seis praos con cuadra , soleyeros y con bona yerba, debaxo La Engamanosa.

Felguerines, Les: Tierres pa lo fondero La Vega.

Felguerona, La: Prau con una mata castañales a la vera de La Mata. Bustiyè.

Felguerùa: Una caserìa con tres praos que tàn tolos tres arrodiaos de castañeros, perriba La Cotà.

Fontàn d`Omeo, El: Fontàn asitiàu nel camìn que xube d`Omeo p`hacia El Castañeru.

Fontàn de Basilio, El: (La Plaza`l Fontàn): Fonte que da nome a una plazoleta tres del grupu les viviendes de La Vega. Oficialmente denòmase "Plaza de Romàn Prieto", que fuèun cantante local de tonà ya desaparecìu.

Fontàn de Colàs, El: Fontàn pequeñu por baxo de Puenxio qu`escosò por mor de les mines.

Fontàn de Cortielgos, El: Fonte con bebederu en Cortielgos. Tamièn habìa molìn, casa y horru que dieron en baxo porculpa les mines.

Fontàn de La Carrera, El: fonte nuna revuelta del camìn de La Carrera, per baxo Espines.

Fontàn de Roteya, El: Fonte nun regueru, en Roteya.

Fontanales, Los: Prau y mata de castañales pa lo cimero de les cases de Carreyana.

Fontica, La: 1. Tres cases con prau, güertes y pumarada pa lo alto La Mata, en Bustiyè. 2. delles cases nel camìn que va pa La Cotà al llau d`una reguera onde hay tamièn una bocamina vieya que tièn una fonte.

Fonticòn, El: Prau que queda per baxo Los Carrilones.

Fonticu, El: Fontàn pequeñu nun encruz de caminos debaxo El Rebpl.lòn. El Col.lèu.

Foxicu, El: Prau pequeñu xunto a El Rebiru, con munches fondilaes. Bustiyè.

Fresura: Tres praos xunto a Pedreche.

Fuente Encueva, La: fonte antigua na pumarà, tres de La Plaza. Anguaño esti manantial, aprovechàbalu La Fuente La Plaza.

Fuente La Faya, La: Fonte debaxo El Rebol.lòn, al llàu del camìn que va El Cuitu Ramòn.

Fuente La Plaza, La: Fonte d`agua muy frìo que bièn d`un manantial que naz perbaxo El Castañiru. Ta a la vera del camìn que va pa Omeo.

Fuente Perico, La: Fonte d`agua muy frìo que nun escosa en tol añununa viesca perbaxo Carabanès, ente Los Babianos y Les Vaùes.

Fuente Prieta: Fonte onde naz un regueru per baxo de Ranero.

Fuente Villahermosa, La: Fonte delante mesmo de la casa que llamen Villahermosa.

Fuente`l Frinu, La: Fonte d`agua mui frìo y abundante tol añuque ta debaxo la carba La Coca. Al llàu tièn dos praos que se llamen igual , un d`ellos con cuadra. El de la parte riba`l camìn ta de pastu comùn.

Fuente`l Rebul.lu, La: Fonte en la carba d`El Reondìn.

Fuentina, La: Fonte d`agua mui frìo tres de La Bortica. El Caliyu.

Fueyos, Los: Dos praos con cuadra y cabana y bona yerba. Anque son apacibles, tienen fondilaes. Queden al llàu de Perea.

Granxa, La: 1. Cuatro cases y delles güertes enriba una peña, perriba La Plaza nel camìn que va pa el Picu. 2. Una pumarada arrodiada de mata de castañares perriba Los Corrainos de Puenxio.

Guariza, La: Carba de gorbizu, urcia y felechu ente El Mayaòn y la Faidiel.la.

Güerta Les Guindales, La: Güerta con cerezales y guindales detràs de les cases de La Pruvìa.

Invernàl, L`: Casa vieya debaxo El Picu La Cuaña.

L.lagaña, La: Tierra y prau con ablanares tres de La Tierra`l Xabù. Cortielgos.

Llagu d`abaxo, El: Finca con pumaraes onde habìa una capìa y una escuela de monxes dominiques. Güei l`edificiu que queda son cases particulares. Ta debaxo del grupu de viviendes de La Vega.

Llagu d`arriba, El: Finca con muncha agua, una pumarada y una güerta mui abundante. Tenìa tamièn un palacìn y escueles. Ye`l terrèn onde ficieron el grupu de viviendes de La Vega.

L.laguna, La: prau enllamuergàu pa lo fondero de Penacastro.

L.lamuergues, Les: Dos praos veseos y llamargosos arrodiaos de fayes, per baxo Espines.

L.lera Dominguìn, La: Lleròn onde acaba La Vega, al llàu d`El Riu Ayer, llende con Caborana.

L.lera Samiguel, La: Lleròn onde acaba La Vega y desemboca La Reguera de Bo, al llàu d`El Riu Ayer, llende con Caborana.

Llongar, La: Tierres al llàu del camìn de La Cerca. La Vega

Magañàn: Prau ruìn perriba la mata de Peridiel.la.

Mala, La: Carba de gorbizu onde habìa unes mines de monte, al llàu Cortielgos.

Martinceli: Prau llanu y con bona yerba en Ranero.

Martincepu: Tres praos tres de Valmonte, ente Fayes.

Mata, La: Prau perriba`l cementeriu, con un castañeru enforma grande.Bustiyè.

Mata Fayes, La: Mata de castañares. Antiguamente tenìa un fornu pa facer carbòn con madera de faya. Ta en Tramburrìos.

Mata La Cueva, La: Mata de castañares debaxu`l prau La Reguera, onde crìen muncho los raposos.Cortielgos.

Mata Les Corraes, La: Mata de castañares xunto a Les Corraes. Carreyana.

Mata Pando, La: Mata de castañares bien grande que ye de la caserìa de Pando.

Mata Pedrosa, La (Mata`l Gurgù): Mata de  castañares bien grande que fai vallines y baxa dende La Vacaìna hasta Melendreros.

Mata`l Carra, La: Mata de castañares que va dende El Carral a Les Meloneres.

Mata`l Cuirvu, La: Mata de castañares xunto aprau La Reguera y La Corrá La Fuente.

Mata`l Cuitu, La: Mata de castañares al llàu d`El Preu La Reguera

Mata`l Mayaìn, La: prau con cuadra y una mata de castañares detràs de La Corrá La Fuente.

Matina, La: Mata de castañares pequeñìna xunto al Avisìigu.

Mayaìn, El: 1. prau con cuadra y mata de castañares perriba La Caseta, cerca de Felguerùa. 2. Tres praos cuestos debaxo del Roblòn. separtaos por varalera.

Mayaòn Cimiru, El: Prau con cuadra y cabana arrodiàu de faya. Queda perriba La Cuerria.

Mayaòn Fondiru, El: Prau arrodiàu de faya que queda tres de La Cuerria.

Mayèu Claudio, El: Mayàu tres d`unes peñes enriba`l Mayèu Espines.

Mayèu Espines, El: Mayèu pa lo fondero d`El Quentu Les Cruces, arrodiàu de gorbizuy espineres, onde pastia muncho`l ganàu pel branu. Parte los conceyos d`Ayer y L.leya.

Mayèu`l Preu Yenu, El: Mayèu detràs del C`El Carbonìn Cimiru, yera costume que los nenos xubieren hasta equì a comer la pegarata`l dìa de Pascua.

Melendreros: Terrèn con munchu castañeru que llega dende Estrada hasta perbaxo El Carbonìn. Equì taben les mines de la S.H.E.

Meloneres, Les: Dos praos cuestos al Llàu de Felguerùa.

Mesones: Prau llargu debaxo de La Mata, con sebes d`ablanu y castañar. Bustiyè.

Molìn de Fernando, El: Un molìn que recoyìa l`agua de la reguera que baxa de La Cotá, perbaxo d`El Pingòn.

Molìn de Pando, El: (Molìn del Ferrerìn): Un molìn xuntu al reguiru de Pando.

Molìn de Penacastro, El: Molìn en Melendreros que llevaron les mines.

Molìn de Veneranda, El: Molìn pa lo cimero Los Praos Fueyos, detràs d`una casa.

Molìn de Xosè`l de Quico, El: Un molìn que taba al llàu d`El Reguiru d`Omeo, de la parte ¨baxo d`unos llavaderos pùblicos.

Monte Cazuil.lu, El: Mata de fayes que baxa per una vallinadende El Cuitu Espines hasta L`Arganusu.

Monte La Pesoria, El: Mata grade de fayes y carrascos que dende Espines hasta Les L.lamargues y onde naz la reguera principal que baxa hasta Bo.

Monte`l Faillìn, El: Mata de fayes qu`arrodia los praos d`El Faillìn y llega hasta cerca d`Otos.

Monte`L Puzu, El: Mata grande de fayes y carrascos que queda tres de Les Llamargues y llega hasta la carva del Reondìn. Antiguamente cazaben  llobos nun Chorcu * que ficieron los vaqueros. *Pozu.

Monte`l Puzu Viiyu, El: Mata de fayes per detras de de los praos de`l Puzu Viiyu que llega hasta Bustamores.

Nozal, La: Praos al llàu de Cuetos. La Vega.

Nozalera, La: Barriu del pueblu de Boque queda perriba La Plaza, xunto a Revidiel.lo. Antiguamente habìa unes cuantes nozaleres.

Obispu, L`: Prau onde La Reonda. La Vega.

Omeal, L`: Prau tomàu pola viesca y con una llamarga en medio, debaxo`l camìn de va de Bustaoso a El Cabornìn Cimiru.

Omeo: Llugar visiegu y con muncha agua nuna revuelta d`l Reguiru d`Omeo. Tièn bastante viesca, sobre too d`umeros, y tres cases con pumaraes. Queda xunto a El Castañiru.

Ordimales: Dos praos con muncha agua arrodiaos de fayes, al llàu de Les L.lamargues.

Otos: Sitiu onde pueblan tradicionalmente los vaqueros de Bo, con ocho praos mui llenos y de yerba mui bono. Tienen toos cuadra y cabana y madera de fayay roble. Queden perriba Pedreche.

Padrùn, El: Necròpolis megalìtica catalogada por Josè Manuel Gonzàlez en 1965. Dàtenla nel 4000 a.C. Perbaxo tièn dos praos con cuadra y cabana.Carabanès.

Palaciu, El: casona blasonada del siglu XVII , de la familia de Santiago Arias-Prieto. Tiene una pumarada grande que pega con La Vega.

Pandenl.lòn, El: 1. Prau ribayosu que queda detràs d÷ Arbona. La Vega. 2. Prau y pumarada en Penacastro.

Pandiellu (sic) El: Tres cases y delles güertes al llàu de la reguera de Bustiyè y del camìn que va pa La Fontica. Consèrvense tovìa unos antiguos llavaderos pùblicos.

Pando: Caserìo qu`entà conserva l`horru, con cinco praos un poco cuestos qu`enllanen pela parte baxo. Queda perriba La Terrona.

Panducu: Tres praos grandes ente la caserìa de Pando y Corrapiedra.

Pedreche: Cuatro praos con agua arrodiaos de visca cerca de Fresura.

Pedreo: Delles tierres y praos perbaxo Los Corrainos de Puenxio. La Vega.

Pedrosa, La: Barriu del pueblu de Bo percima de Villahermosa.

Pena, La: Grupo de cuatro cases con un habitante na màs. Hubo primero viviendes de La S.H.E. que llamaben Los Cuarteles de La Pena.y que ya tàn tiraes.

Pena Campanariu, La: Peñasca nun castañeru al pie d`El Pingòn.

Pena Fondera: Dellos praos con mazanales debaxo La Pena y tres de La Penuca.

Pena L.lebrera: Carba d`urcia y felechuque queda ente Felguera y La Rebellà. Tien unes penasques pa la pica.

Penacastro: Cases enriba d`Estrada, asitiaes  no que foi un castro, Hay cuadres, horru, praos y tierres.

Penuca, La: Casa, güertes y pumaraes enriba una peñasca, tres del pueblu de Bustiyè.

Perea: Cinco praos con bona yerba, soleyeros, con cuadra y Cabana. Zàrralos un muru y hai fayesdelantre les cuadres. Queden debaxo La Carba Perea.

Peridiel.la: Castañeru en terrèn dalgo cuestu al llàu del camìn que xube d`El Segundu pa La Cuerria.

Pezona, La: 1. Prau n`Ande La Sierra. 2. Tierra perbaxo Carreyana.

Picu La Cuaña, El: Doce cases averaes a un camìn que xube faciendo cuaña. Queden cerca d`una peña que tièn un texu, con bona vista pal pueblu de Bo y el valle d`Ayer hasta Cabañaquinta. Anguaño hai una capìa fecha nuna bocamina con una imaxen de la Virxen de Cuadonga que se conoz ente la xente como La Virxen de La Peña.

Picu Los Cabreros, El: Casa enriba d`una peña, un poco separtada de les otres cases  d`El Picu La Cuaña.

Picu Ranero, El: Picu de 1096 m. Agües vertientes d`Ayer y L.lena. Queda detràs de los praos que llamen tamièn Ranero.

Piedra, La: Prau con cuadra y una matina castañares y robles xunto a El Quentu Carreyana. La Vega.

Pieza, La: Prau n`ande La Sierra.

Pimienta, La: Carba per onde xube un camin que va dar Al Preu Yenu, detràs d`El Mayaìn d`El Picu.

Pingòn, El: Saltu d`agua que fai La Reguera de Bo perbaxo de La Cotà.

Plaza, La (El Puente, El Puente Luis): 1. El centru del pueblu de Bo, lamada oficialmente "Plaza de Vicente Prieto", antiguamente yera una ponte que cruzaba La Reguera de Bo ente una casa que llamaben de Luis del Corralòn. 2. Barriu na parte alta del pueblu de Bo, onde hubo un economato de La S.H.E.

Porqueres, Les: Mata de castañares mui grande , con dalgo de praderina, Queda perriba Roteya.

Portiel.la La Vega, La: Delles cases n`una de les entraes de La Vega, xunto a El Palacio. Hai un dicho popular que compara el relò que da mal la hora cola portiel.la, polo mal que funciona, "El to relò anda como la portiella La Vega".

Portiel.lu, El: Mayàu que da vista al valle de L.lena debaxo d`El Picu La Cerra, en Carabanès.

Pozona, La: Fondigòn de peñasca  nel castañeru de Los Cuadrazales, onde medren unos cuantos borrachinales.

Praera`El Fontàn, La: Fastera de La Tierra Baxo que taba xunto a El Fontàn de Cortielgos.

Praòn, El: 1. Pràu grande perriba la carretera de Bustiyè y d`El Val.linòn, arridiàu de castañares. 2. Pràu grande xunto al camìn que baxa pal Tarancòn.

Praos Cimeros, Los: praos que se amestaron a La Cuerria.

Praos Fonderos, Los: Praos que se amestaron a La Cuerria.

Praos Fueyos, Los: Cinco praos con munches fondigonaes¨ente La Carretra Vieya y La Reguera, con bastante viesca alrededor y preses d`agua.

Praùcu, El: Pràu vesèu y cuestu, con una mata castañares. La Pruvìa.

Preu David, El: Prau y pumarada con una casa, perriba  d`El Tarancòn. Carreyana.

Preu Fondiru, El: Un pràu detràs d`El Corraòn y La Cerezal.

Preu La Pesoria, El: Pàu vesèu perbaxo la  mata de La Pesoria.

Preu La Reguera, El: Prau con mata de castañares ente Pando y La Cotà, al llàu del reguiru de Pando.

Prau Nuivu, El: Pràu a lo fondero La Vega xunto al Barriru.

Preu Yenu, El: Prau grande, apacible y con agua, cuadra y cabana. Queda nun cantu al Llàu de Bustaoso y con bona vista pal valle.

Preu`l Carral, El: Prau grande con cabana, que da muncha yerba, Tà perriba La Cotà y antiguamente hubo nèl una teyera.

Preu`L Cazurrìn, El: Prau nel Cantu Pedronache, cerca de Los Carrilones.

Preu`l Col.lèu, El: Prau con cuadra y una matina castañares debaxo d`El Rebol.lòn. El Caliyu.

Preu`l Fontàn, El: Un preu con un fontàn d`agua en La Terrona.

Preu`l Guetu, El: Cuatro praos cuestos que faen ùn grande, con preses d`agua y una cuadra, perriba Viaonga.

Preu`l Reguiru, El: Prau con una mata castañares per baxo La Benita.

Pruvìa, La: 1. Caserìo con praos y güertes al llàu de La Fontica. 2. Grupìn de cases nun sitiu mui soleyeru, nun cantu, al llàu del camìn que va de Bo pal Caleyu.

Puenxo: Barrio pa lo cimero del pueblu de Bo, onde hubo unos cuarteles de La S.H.E. que fundieron l`añu 1991 al argayar el terrèn por culpa les mines.

Pumarà, La: Pumarada ente los caminos que van pa Omeo y Los Cuayos, tres de La Fuente La Plaza.

Puzu Viiyu, El: Dos praos llargos perriba Otos, al llàu del camìn que va pa La Carrera. Tan arrodiaos d`urcies.

Quempu Antona, El: Cuadra y cocheres al llàu la carreterade Bo a Bustiyè, cerca de La Crucina. Antes yera un sitiu onde enredaben los rapacinos.

Quempu La Iglesia, El: Terrèn delantre La Ilesia de Bo. Hasta ùltimos del sieglu XIX hubo al llàu de La Ilesia un cementeriu.

Quentu L`Argumusu, El: Cantu perriba La Casona, con una corrà pa castañes, camìn de Melendreros.

Quentu Carreyana, El: Cantu pa lo ùltimo La Vega, dando vista pa Carreyana y Valdefarrucos, onde tan los pozos San Jorge y Santiago. de HUNOSA (Caborana).

Quentu La Cotà, El: Sitiu con muy bona vista sobre`l pueblu de Bo, enriba una peñasca, perbaxo El Segundu. Antiguamente tuvo ellì una fragua "El Ferrerìn" de La Cotà.

Quentu Les Arroces, El: Cantiquìn perbaxo El Quentu La Cotà.

Quentu Les Cruces, El: Carba de gorbizu y urcia, con mui bona vista pa los valles d`Ayer y L.lena, ye encruz de los caminos principales d`Espines y Carabanès. Pela parte baxo hai tres praos col mesmu nome.

Quentu Pedronache, El: Carba grande con gorbizu y peñasques que queda perriba El Quentu Zalamea y llega hasta La Reguera La Benita, que fai llende cola parroquia de Morea.

Quentu Roteya, El: Cantu que da vista pa La Vega, onde s`asitiaba una plaza pal repartu del carbòn de La Hullera Española, enriba L`Avisiigu.

Quentu Zalamea, El, ( Once Marianes): Una carba mui afayaiza pa les cabres. Anguañu aprovèchense los edificios de les mines pa criales y tamièn delles borronaes. Queda ente La Fontica y El Quentu Pedronache.

Quentu`l Padrùn, El: Peñasca que zarra pel norte la necròpolis d`El Padrùn, en Carabanès.

Rabil, El: Pumarada en Villahermosa.

Ranero: Dellos praos con cuadra y cabana, zarraos con muru y sebe debaxo d`El Picu Ranero, na llende ente los conceyos d`Ayer y L.lena.

Rasa, La: 1. Casa y pumarada perriba El Caliyu. 2. Tierres perbaxo del Caliyu.

Rasòn, El: Pràu al llàu de Les Viesques con bona yerba y agua. Tièn tres cuadres y y una cabana.

Rebayòn, El: Terrèn per onde pasa una reguera, debaxo L`Avisiigu, en Carreyana.

Rebellà, La: (La Robellà) Cinco praos grandes con mui bona yerba, cuadra y cabana, con fayes y robles pela sebe. Queden perriba La Engamanosa.

Rebiru, El: Dos praos que queden al llàu de La Reguera de Bustiyè, per baxo`l camìn del cementeriu. Bustiyè.

Rebol.lòn, El: Prau ribayosu con cuadra a lo cimero y un rebol.lu vieyu. Pega conel conceyu de Mieres pel camìn que va pa El Cuitu Ramòn.

Reguera, La: Prau con mata de castañares, visiegu, con munchu felechu, ta al llàu de la reguera que baxa de La Fuente`l Frisnu.

Reguera de Bo, La: Nome col que se conozel regueru que baxa de Les L.lamargues dende Omeo hasta que desagua n`El Riu Ayer, pela Llera Samiguel.

Reguiru Bostariz, El: Regueru que naz en La Mata L.lagüezo y que perbaxo Carabanès recibe l`agua de La Reguera  Les Vaues pa siguir per La Benita hasta Villanueva, na parroquia de Morea. Val de Llende ente Bo y Morea.

Reguiru Corrapiedra, El: Regueru que pasa pela mata y los praos de Corrapiedra.

Regueru d`Omeo, El: Regueru que xunta n`Omeo l`agua de les regueres que baxen de La Cotà y de La Fonticaformando La Reguera de Bo.

Reguiru de Pando, El: Regueru que baxa al dellàu de la caserìa de Pando.

Reguiru Les Vaùes, El: Reguera que naz debaxo de El Padrùn , en Carabanes.

Rei, El: Tierres perbaxo la finca d`El Palacio. La Vega.

Rel.lagar, El: Prau, delles güertes y una casa ente Los Praos Fueyos y La Val.lina, onde empiecen les cases de Bo.

Reonda, La: Prau xuntu al camìn que baxa pa El Tarancòn. La Vega.

Reondìn, El: Prau, güei a pastu comùn, en metà dùna carba tres El Monte`l Pozu.

Resel.lèu, El: Finca con mui bona yerba y con agua al Llàu d`Otos.

Revidiel.lo:  Terrèn con güertes y una casa que queda ente La Nozalera y La Reguera que baxa de La Fontica.

Ribayos, Los: Mata de castañares y unes praderes alrededor de la finca d`El Palacio. La Vega.

Rincòn, El: Requexu de tierra fechu prau al llaàu de La L.lagaña. Cortielgos.

Roblòn, El: Sitiu onde enllana el camìn real que xube del Picu hasta El Preu Yenu. Hasta hai poco habìa un roble a la vera`l camìn.

Roces: Prau abondo grande onde tamien s`asitia`l cementeriu de la parroquia.

Rocesvieyes: Dellos praos zarraos con varalera y castañares que queden ente La Pruvìa y Carreyana.

Roteya: Casa con tierra y pumarada, metida nun regueru debaxo Les Porqueres.

Saltaera, La: Prau nel camìn que baxa pal Tarancòn. La Vega.

Sancho, El: Prau al llàu de Cuetos. La Vega.

Segundu, El: Prau llargu que debe`l nome al segundu pisu del grupu de mineru de Bo. Ellì tenìa oficines La H.E.. Queda xunto`l Carral.

Sierra Meal: prau cuestu al llàu del regueru que fai La Fuente El Frisnu; tièn muncha viesca, la mayor parte d`ello d`umeru.

Solares, Los: dos praos con sebe pel mediu, apacibles y con bona yerba. Detràs de La Capìa de Bustiyè.

Sopena, (El Picu Spena): Picu onde acaba La Carba Perea, agües vertitientes d`Ayer y L.lena. El lladral del norte ye mui malu, con`un cortàu de 100 m.Ta enriba d`El Mayeu de Sopena (Carabanzo). 2. Tierres xunto a La Cerca. La Vega.

Sucu L`Infiistu, El: Tierres perbaxo La Cerca. La Vega.

Tacòn, El: Prau pa lo fondero La Vega, al llàu de Los Col.laos.

Tarancòn, El: Terrèn debaxo Carreyanaxunto a El Riu Ayer, na raya cola parroquia Caborana. Ye por onde s`entra pa la mina del mesmu nome.

Tazà, La: Prau al llau de Les Corves. La Vega.

Teatìn: Terrèn ocupau per una cuadra pa los machos que trabayaben na mina del Tarancòn. Xunto a El Rìu Ayer, na raya cola parroquia de Caborana.

Tercios, Los: Prau y mata de castañaresque queden detràs de los praos d`El Cabanòn.

Terrona, La: Caserìa con cinco praos y pumarada que fueron tierres. Queda perriba Les Campes.

Terruca, La: (La Tierruca), Prau que foi primero tierrana llende con Carabanzo. Cortielgos.

Teyera, La: Prau que queda debaxo El Turnu.

Teyerina, La: Tierra de La Vega.

Teyerona, La: Mata de castañes xunto Al Barrial de La Pena. Hubo una teyera de la que tovìa se conserva dalguna teya nos teyaos de les cases de Bo.

Tierra Anastasia, La: Tierra en Carreyana.

Tierra Baxo, La: Tierra que depuès quedò a prau debaxo de les cases de Cortielgos.

Tierra L`Alfalfa, La: Tierra que se semaba de Alfalfadebaxo Les Corraes. Cortielgos.

Tierra`l Xabù, La: Tierra que quedò despues a pràu y que tenìa les sebes mui tupìes de xabùs. Cortielgos.

Tierra`l Caleyòn, La: Tierra xunto al caleyòn que xube pa les cases de La Pena.

Tierres Cimeres, Les: dos praos veseos y arrodiaos de mata de fayes perriba d`Otos.

Tierres Fonderes, Les: tres praos que queden ente una carba d`urcia y una mata de fayes, perriba d`Otos.

Torna`L Carabayiru, La: Mata de roble perbaxo d`El Monte Cazuil.lu.

Tramburrìos: Tres praos arrodiaos de castañares y otra mata. Queden perriba La Cotà, onde se xunten les regueres que baxen de Pedreche y de Valmonte.

Tres Caminos, Los: (El prèu los Tres Caminos). Prau perbaxo La Pena, onde crucen los caminos de Les Campes, La Pena y Bustiyè.

Tres de Casa: Dos tierres que quedaron a Pràu tres les cases de Cortielgos.

Trinchera`l Norte, La: Trinchera per onde llevaben el carbòn ente`l pisu 21 de Bo y La Rebel.la.

Trincherona, La: Trinchera per onde sacaben el carbòn dende`l pisu quince del grupu de Bo hasta El Prèu Yenu. Pasaba per Felguera, La Encorcià, El Rasòn, Les Viesques y La Corrà.

Troncà, La: Prau pequeñu xunto a Los Corraones. Bustiyè.

 Turnu, El: Prau grande con una mata castañares que queda al llàu d`El Corraòn.

Vacaina, La: 1.Prau pequeñu xunto a El Faellìn. 2 Prau pequeñu y apacible zarràu con espineres y arrodiàu de madera de castañar, debaxo Bustaoso.

Val.lina, La: 1.Grupu de cases y un pràu perriba la carretera de Morea a Bo, al llàu de Les Espandines. 2. Dos praos y una casa n`El Caleyu. Tenìen al llàu una fonte con un llavader pùblicu. 3. Praos en La Vega, p`abaxo.

Val.lina Escura: Pràu en metà d`una mata castañares, ribayosu y malu de segar, perbaxo El Carbonìn.

Val.linòn, El: 1. Pràu grande y cuestu de la parte abaxo a la carretera de Bo a Bustiyè, perriba La Val.lina. 2. Pràu con forma de Val.lina que queda xunto a La Terrona.

Valmonte: Monte bien grande que va dende Tramburrìos hasta Les Tixeres y onde s`asitien ocho praos con bona cantidad d`agua y arrodiaos de mates de fayes y roble.

Vaùes, Les: 1. Pràu con una mata castañares y munchu felechu con una reguera que lu traviesa pel medio. Ta debaxo de Les Baragañes. Cortielgos. 2. Seis praos que queden perbaxo Carabanès., apegaos al camìn real.Vega, La: 1. Terrèn bien grande y apacible, con tierres y praos, que s`esparde dende`l pueblu de Bonhasta La L.lera Samiguel y El Tarancòn, na oriella d`El Riu Ayer. 2. Grupu de viviendes que sàsitiaron hai unos años a la entrada La Vega.

Vegona, La: cuatro praos apacibles con bona yerba y agua, cerca d`Otos.

Veguina, La: Prau llanu y con bona yerba que s`amestò a La Cuerria.

Vescòn, El: 1. Pràu con munchos gorbizos en La Val.lina d`El Caleyu. 2.Pràu pequeñu con pumares tres La Escuela d`El Caliyu.

Viaonga : (Villaonga),  Casa con güertes alrededor, al llàu de la carretera de Bo a Morea y de la reguera que baxa de Bustiyè. Hai tamièn una fonte pela parte baxo.

Viesques, Les: Pràu grande al que-i amestaron dellos màs, con una bona cuadra y cabana. Queda perriba La Capìa.

Vieya, La: Un pàu con cuadra y cabana, zarràu con muru y arrodiàu de rebol.los. Entà se noten nel güelgues de la calzada romana que sal a La Carisa. (L.lena). Ta en Ranero.

Villahermosa: Barriu que debe`l nome a una casa con galerìa asitiada perbaxo Puenxio. La casa ye d`hacia 1920.

Viña, La: Tierra xunto a El Rei. La Vega.

Xagual, El: Mata de castañares que se mete pa contra la reguera , al llau de La Mata Fayes.

Xamicola: Una borronada que quedò a pràu perbaxo El Preu Yenu, Tres Los Tercio.

Yan de La Pena: Dos praos apacibles , zarraos de varales y con cuadra que queden enriba unes peñes n`El Picu La Cuaña.

Yana, La: Delles tierres y praos que faen una veguina, n`El Caliyu.Yana Felguerùa, La: Pràu Llanu ente El Quentu Zalamea y La Caseta.

Yana L`Ertu, La: Pradera con una mata castañares per detràs de Les Porqueres.

Yana Melende, La: Prau Llanu nel Mayèu del Preu Yenu y La Corrà.

Yamòn, El: Castañeru en Los Cuadrazales onde enllana`l terrèn, con delles corres pa castañares.

Zoreres, Les: Prau xunto Los Carrilones.

Hai que da-ios les gracies a Pedro Alvarez Garcìa "Pedrìn", bon falante d`asturianu que informò de la mayorìa los topònimos; Victor Sanchez "El Gaiteru", que diò los topònimos del monte; Marcelino Castañòn "Lino`l de Paco", pa los topònimos de la Vega; Lolo`l de Roque, Chuso`l de Alejos; Ramonìn, Miguel... y a tolos que m`echaron un gabitu.

AMESTADURA

Topònimos d`El Caliyu y de Cortielgos difìciles d`identificar pola mor d`ina esplotaciòn a cielu abiertu.

Les Baragañes, la Bortica, El Castañerìn, La Corrà`l Caliyu, Les Corraes, El Corraìn (1), Cortielgos, El Fontàn de Cortielgos, La Fuentina, La L.lagaña, La Mala, La Praera`l Fontàn, La Rasa (1), (2), El Rincòn, La Terruca, La Tierra Baxo, La Tierra l`Alfalfa, la Tierra`l Xabù, Tres de La Casa, La Val.lina (2), Les Vaùes, El Vescòn (1).